Քանի որ մամուլում բավական սուղ տեղեկատվություն ու անդրադարձեր եղան վարչապետի` օրեր առաջ Ֆրանսիա կատարած այցին ու ձեռք բերված պայմանավորվածություններին, ԱԺ տնտեսական հանձնաժողովի ընդդիմադիր անդամ Թեւան Պողոսյանը դժվարանում է այցի արդյունքները գնահատել: Մեր զրուցակիցն ուրախ է մի բանի համար` որքան կարողանում ենք Հայաստանը եվրոպական երկրների հետ կապել, այդ ուղղությունը խորացնել, լավ է, քանզի Հայաստանի երկարատեւ շահերի բավարարումը եվրոպական ինտեգրման ուղղության մեջ է: Բայց եթե նմանատիպ այցերը հետեւանքներ չունենան, ըստ ընդդիմադիր պատգամավորի՝ գինը կկորցնեն այն երեւույթները, որն անվանում ենք եվրոպական ինտեգրում:
Այս կարեւորագույն այցի ստվերում մնալու պատճառներից մեկն էլ հավանաբար այդ օրերին Երեւանում ընթացող էլեկտրաէներգիայի սակագնի թանկացման դեմ բողոքի ալիքն էր:
«Առավոտ» օրաթերթ
08.07.2015
