Երեկ ՀՀ կառավարությունը երեք րոպե քննարկեց եւ միաձայն հավանություն տվեց մոտ 700 էջից բաղկացած «2016-2018 թվականների միջնաժամկետ ծախսերի ծրագրին», որի հիման վրա մշակվելու են ՀՀ առաջիկա երեք տարիների պետական բյուջեները։
«Քննարկումների» ժամանակ, իհարկե, անդրադարձ չեղավ այդ փաստաթղթի մանրամասներին։ Իսկ սատանան, ինչպես հայտնի է, մանրուքների մեջ է։ Բազմաթիվ «սատանաներից» մեկը այն է, որ առաջիկա երեք տարիներին կառավարությունը չի պատրաստվում Հայաստանում կենսաթոշակներ բարձրացնել, եւ այդ մասին սեւով սպիտակի վրա գրված է ընդունված ծրագրում։ «,2016-2018 թվականների կտրվածքով բոլոր տեսակի կենսաթոշակների գծով նախատեսվում է պահպանել 2015թ. համար սահմանված կենսաթոշակի հիմնական չափը»,- գրված է ծրագրի 268-րդ էջում։
Միևնույն ժամանակ, կառավարությունը նախատեսում է, որ նշված տարիներին Հայաստանում կգրանցվի տարեկան միջինը 4 տոկոս գնաճ։ Կստացվի, որ մեր բոլոր տեսակի կենսաթոշակառուները ոչ միայն թոշակի ավելացում չեն ունենա, այլեւ նրանց կենսաթոշակները գնաճի պատճառով կարժեզրկվեն տարեկան 4 տոկոսով։ Այսինքն` մեր կենսաթոշակառուները ամեն տարի 4 տոկոսով կաղքատանան:
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
