Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Մնացական Մարտիրոսյանի վարույթում է գտնվում Արամ Մարտիրոսյանի դեմ հարուցված քրեական գործը:
Նա աշխատել է ՀՀ աշխատանքի եւ սոցիալական հարցերի նախարարության ապահովության պետական ծառայությունում, որպես Երեւան քաղաքի Ավան եւ Նոր Նորքի տարածքային բաժնի պետ:
Ըստ մեղադրանքի, նա հանդիսանալով մշտապես կազմակերպչական-տնօրինչական եւ վարչատնտեսական գործառույթներ իրականացնող պաշտոնատար անձ եւ օժտված լինելով ծառայության տարածքային բաժնի կանոնադրությամբ նախատեսված կենսաթոշակների եւ սոցիալական այլ ծրագրերով վճարների նշանակման, վերահաշվարկման, վճարային ցուցակների կազմման գործընթացը ղեկավարելու եւ վերահսկելու լիազորություններով, 2009-2010թթ. ընթացքում օգտագործելով իր պաշտոնական դիրքը, Վազգեն Խաչիկյանի եւ մյուսների հետ կազմակերպված խմբով պետությունից յուրացման եղանակով հափշտակել են իրենց վստահությանը հանձնված առանձնապես խոշոր չափերի՝ 64.078.853 ՀՀ դրամ կենսաթոշակի գումարներ, ինչպես նաեւ կատարել պաշտոնական կեղծիք:
«Առավոտ» օրաթերթ
08.07.2015
