«Ցանկացած ակցիա կարելի է, եթե տեղավորվում է օրինականության դաշտում»,- լրագրողների հետ զրույցում ասաց Երեւանի փոխոստիկանապետ Հունան Պողոսյանը:
Անդրադառնալով Վաղինակ Շուշանյանի հայտարարությանը, թե կարմիր բերետավորը հարվածել է Նարեկ Այվազյանին՝ նա ասաց, որ ոստիկանությունը գործողություններ կանի. «Մեր ներկայությունն այնտեղ նրա համար էր, որ սադրիչների գործողությունը կանխարգելենք եւ նման ոչ մի բան չլիներ: Նույնիսկ այն պարագայում, որ նրանք էին ուժ գործադրում, մեր աշխատակիցները հրահանգավորված էին ուժ չգործադրել: Լրագրողները մեծ դժվարությամբ էին աշխատում, չի կարելի այդ նման դեպքերում կիզակետում լինել, առավել եւս, երբ մենք հայտարարեցինք, որ որեւէ հատուկ միջոց չի կիրառվելու»:
Նկատառմանը, թե վարչական վարույթ է իրականացվել միայն Արգիշտի Կիվիրյանի նկատմամբ, նա ասաց, որ տեղյակ չէ եւ հավելեց, որ անձնավորված ոչինչ չկա:
Ամի ՉԻՉԱԿՅԱՆ
