Ի՞նչը կարող է լինել ավելի պարզ, քան կաղամբով աղցանը: Սակայն կարելի է մի փոքր փոփոխել բաղադրիչները, եւ ստանալ շատ յուրահատուկ եւ անկրկնելի համով նախուտեստ:
Առաջարկում եմ այս հետաքրքիր բաղադրատոմսը:
Անհրաժեշտ մթերքները
Թարմ, ցանկալի է մատղաշ կաղամբ- 0,5 կգ
Գազար- 2 հատ
Թարմ կանաչի (հիմնականում՝ մաղադանոս եւ սամիթ) – մեկ կապ
Դդումի մաքրած կորիզներ կամ արեւածաղկի մաքրած սերմեր- 0,5 բաժակ
Չորացրած ծիթրոն- մեկ թեյ գդալ
Աղ-ըստ ճաշակի
Սեւ աղացած պղպեղ-կես թեյի գդալ
Կարմիր կծու աղացած պղպեղ-կես թեյի գդալ
Թանձրուկի համար- 1-ական ճաշի գդալ մեղր եւ մանանեխ, կես բաժակ ձիթապտղի յուղ, 2 ճաշի գդալ խնձորի քացախ
Կարդացեք նաև
Պատրաստման եղանակը
Կտրատել կաղամբը եւ կանաչիները, քերել գազարը: Ավելացնել համեմունքները:
Թանձրուկի համար նախատեսված մթերքները լցնել փոքրիկ տարայի մեջ, լավ թափահարել, որ դառնա միատարր զանգված: Լցրեք կտրատած բանջարեղենի վրա, լավ խառնեք: Աղցանը պատրաստ է: Այն ոչ միայն թարմ վիճակում է շատ համեղ, այլեւ՝ որոշ ժամանակ անց, երբ բանջարեղենն ամբողջովին ներծծված կլինի թանձրուկով:
Բարի ախորժակ:
Պատրաստեց
ՄԵԼԱՆՅԱ ԲԱՐՍԵՂՅԱՆԸ
«Առավոտ»
04.07.2015
