Բաղրամյան պողոտայում բողոքի ցույցի մասնակիցներին թերթիկներ են բաժանվում՝ «Սթափվեք, գժուկներ» վերնագրով: Թերթիկներով ակցիայի մասնակիցներին եւ Բաղրամյան պողոտայում ներկաներին, որոնք ակցիայի մասնակից չեն, իրազեկում են, զգուշացնում են, թե ինչպիսի վարք այստեղ պետք է դրսեւորել՝ խնդիրներից զերծ մնալու համար:
Օրինակ՝ «Իրար հետ շփվենք հարգանքով, ինչքան էլ, որ սեփականից տարբերվող մտածելակերպ ունենանք: Հաշիվներ չպարզենք, քուչի քրեական բարքերից զերծ մնանք: Իսկ նման բան անողներին սիրալիր դուրս հրավիրենք ցույցի տարածքից: Մեր բնական կարիքները չհոգանք հարակից բակերում: Ալկոհոլ չօգտագործենք»:
Նշենք, որ այս ժամին Բաղրամյան պողոտայում շատ քիչ մարդ է հավաքված: Ներկաներն ասում են, որ երեկոյան ավելի շատ մարդիկ կգան: Սակայն, նշենք, որ երեկ երեկոյան էլ Բաղրամյան պողոտան բազմամարդ չէր:
Նելլի ԲԱԲԱՅԱՆ
Կարդացեք նաև
