Ադրբեջանում անցկացված Եվրոպական 1-ին խաղերն ավարտվել են ու վիճակագիրների համար աշխատելու լայն դաշտ է բացվել:
Այսօր Aravot.am-ը հանդիպեց Բաքվի խաղերում Հայաստանի օլիմպիական պատվիրակության ղեկավար, ՀԱՕԿ-ի գլխավոր քարտուղար Հրաչյա Ռոստոմյանի հետ: Զրույցի ընթացքում շոշափվեցին Խաղերի հետ առնչվող շատ թեմաներ, որոնցից ամենահետաքրքիրը մեր կարծիքով կապված է Եվրոպական խաղերի բացման ժամանակ Հայաստանի պետական դրոշի հետ:
Մեր պատվիրակության դրոշակակիրը Բաքվում հենց Հրաչյա Ռոստոմյանն էր, որը, ինչպես բոլորս տեսանք, Հայոց Եռագույնը աջ ձեռքով բարձր բռնած ծածանում էր Բաքվի օլիմպիական մարզադաշտում: Պարզվում է, որ գտնվել են մարդիկ, որոնք «չափել» ու հաշվարկել են, որ այդ ժամանակ ամենաբարձրը ծածանվել է մեր դրոշը, քանի որ Հրաչյա Ռոստոմյանը, որ նախկինում բասկետբոլիստ է եղել, ոչ միայն ամենաբարձրահասակն էր դրոշակակիրների մեջ, այլեւ մեր դրոշը տանում էր ամենից բարձր պարզած:
Հրաչյա Ռոստոմյանի հետ ճեպազրույցը կարդացեք «Առավոտ» օրաթերթի վաղվա համարում
Կարդացեք նաև
Աշոտ ՀԱԿՈԲՅԱՆ
