Հունիսի 30-ին ԼՂՀ ՊՆ, ՊԲ հրամանատար, գեներալ-լեյտենանտ Լևոն Մնացականյանի ղեկավարությամբ տեղի է ունեցել ծառայողական խորհրդակցություն, որին մասնակցում էին բանակի հրամկազմը, շտաբի բաժինների և ծառայությունների պետերն ու միավորումների, զորամասերի և առանձին ստորաբաժանումների հրամանատարները:
Խորհրդակցության ընթացքում քննարկվել են ՊԲ հրամանատարի պաշտոնի հանձնման և ընդունման աշխատանքների արդյունքներով ենթակա բաժիններում և ծառայություններում արձանագրված վիճակը, անդրադարձ է կատարվել 2015թ. բանակային ուսումնական տարվա առաջին կիսամյակում իրականացված գործընթացներին և ծառայություններում առկա պրոբլեմային խնդիրներին:
Օրակարգային հարցերի շուրջ, ըստ ուղղությունների, համակողմանի վերլուծականներով հանդես են եկել բանակի հրամանատարի տեղակալներն ու շտաբի հիմնական բաժինների պետերը:
Ծառայողական խորհրդակցությունն ամփոփել է ԼՂՀ ՊՆ, ՊԲ հրամանատար, գեներալ-լեյտենանտ Լևոն Մնացականյանը: Հանրապետության ռազմական գերատեսչության ղեկավարը ներկաների ուշադրությունը հրավիրել է պաշտոնի հանձնման-ընդունման աշխատանքների արդյունքներով արձանագրված թերացումների և դրանց վերացման ուղղությամբ իրականացվելիք գործընթացների վրա, իսկ այնուհետև մի շարք հանձնարարականներ տվել բանակի պատրաստության պլանով նախատեսվող միջոցառումներն ըստ ժամանակացույցի և որակով կազմակերպելու վերաբերյալ:
Կարդացեք նաև
ԼՂՀ ՊՆ մամուլի ծառայություն
