Հռիփսիկ Վարդանյանն ամեն օր գալիս է Բաղրամյան պողոտա, ասում է՝ իրենց շենքից միայն ինքն է պայքարում, չնայած ոտքի վրա երկար կանգնել չի կարող՝ ավտովթարի պատճառով վնասվածքներ է ստացել: Ներկայումս ձեռնափայտով է տեղաշարժվում:
Aravot.am-ի հետ զրույցում նա ասաց, որ 88 թվականից բոլոր ցույցերի մասնակիցն է եղել: «Ոչ մեկ էլ չի կարող լույսի փողերը, ուրիշի կերածը վերադարձնել, ով կերել է, թող նա էլ էդ փողերը տա»,-զայրանում է տատիկն ու ասում, որ սիրած թոռնիկը, որ երկար տարիներ չէր ուզում գնալ Հայաստանից, ստիպված օրվա հացի գումար աշխատելու համար Ռուսաստան է մեկնել:
Ոտքի մեջ երկաթե ձող կա, բայց տիկին Հռիփսիկը շարունակում է գալ Բաղրամյան պողոտա, ասում է՝ 27 տարվա պայքարի փորձ ունի. «Ես մասնագիտություն չունեմ, բայց պայքարի պրակտիկաս մասնագիտությունից էլ բարձր է, պայքարում եմ, որ ամեն ինչ լավ լինի»:
Գոհար ՀԱԿՈԲՅԱՆ
