Երեւանի փոխոստիկանապետ Վալերի Օսիպյանը քիչ առաջ Բաղրամյան պողոտայում էր: Aravot.am-ը նրանից հետաքրքրվեց, թե ի՞նչ կարծիք ունի իր պետի՝ Վլադիմիր Գասպարյանի պահվածքի, հոգեվիճակի մասին հունիսի 28-ին՝ լարված իրավիճակում:
Հիշեցնենք, որ ոստիկանապետ Վլադիմիր Գասպարյանը խիստ լարված հոգեվիճակում էր, բղավում էր, լարված աջուձախ անում, գոռգոռում, թե սթափվեք, լրագրողին ասում՝ չքվիր եւ այլն:
Մեր հարցին՝ երբ մարդը այդ լիազորություններին է տիրապետում, զինված ոստիկանական խմբերի պատրաստ է շատ պատասխանատու հրամաններ տալ, ինչքանո՞վ է ընդունելի, որ մեր ոստիկանապետը այդպիսի վատ հոգեվիճակում է գտնվում: Վալերի Օսիպյանը պատասխանեց. «Ես ընդհանրապես համակարծիք չեմ, ինչ ես լսեցի ձեր կողմից: Ոստիկանապետը տիրապետում է Հայաստանի Հանրապետության ցանկացած վայրի օպերատիվ իրավիճակին եւ հոգեբանական մթնոլորտին: Ցանկացած՝ այն մասով, ինչ վերաբերում է ոստիկանությանը»:
Մեր հարցին՝ բա ինչո՞ւ էր այդպես լարվել՝ նա պատասխանեց. «Ո՞վ էր լարվել: Միգուցե ձեզ թվացել է, ոչ մի լարվածություն չկա: Ամեն ինչ կարգին ու նորմալ է: Ճիշտ չեք ընկալել այդ ամենը, խնդրում եմ ճիշտ ընկալեք»:
Կարդացեք նաև
Հռիփսիմե ՋԵԲԵՋՅԱՆ
