«Մենք գտնվում ենք մի շատ ավելի բարդ իրավիճակում, քան 2008-09 թվականներին էր: Մեզ պետք են անհապաղ քայլեր», այսօր «Տնտեսական օրակարգ» ֆորումի ժամանակ ասաց ՀՀ ԱԺ Տնտեսական հարցերով մշտական հանձնաժողովի նախագահ Վարդան Այվազյանը:
Նրա համոզմամբ՝ լուծման լավագույն ուղիներից մեկը ստեղծել ֆինանսական մեկ ֆոնդ՝ մասնավորի եւ ներդրողների կողմից ներդրվող գումարների հաշվին, որոնց միջոցները կուղղվեն առաջին անհրաժեշտության խնդիրների լուծմանը:
Երկրորդը՝ ներդրումների խրախուսման եւ պաշտպանության հարցն է: Նա դիմելով վարչապետին, ասաց՝ «Ներգրավեք լավագույն մասնագետներին, որպեսզի կարողանան ներդրողների հետ ուղիղ կապ ունենան», քանի որ կարեւորագույն խնդիրներից մեկը, ըստ նրա, հանդիսանում է արագությունը: Այդ հարցում նա օրինակ բերեց Վրաստանին:
Ապա առաջարկեց հարեւան երկրների պես թույլ չտալ պղնձի, մոլիբդենի եւ ոսկու խտանյութը արտահանել:
Կարդացեք նաև
Լուսինե ԲՈՒԴԱՂՅԱՆ
