Սերժ Սարգսյանը հայտարարել է, թե կառավարությունն ամբողջությամբ իր վրա կվերցնի էլեկտրաէներգիայի թանկացման բեռը, եւ այդ գումարները կգտնի «անվտանգության հետագա ամրապնդման համար նախատեսված միջոցներից»։
«ՉԻ» – Հասկանալու համար, թե ինչ գումարի մասին է խոսքը՝ հիշեցնենք, որ բառացիորեն երկու օր առաջ Սերժ Սարգսյանը տեղեկացրեց, որ Հայաստանը Ռուսաստանից մոտ 200 միլիոն դոլարի արտոնյալ վարկ է ստանալու բանակի սպառազինությունը ժամանակակից զենքով համալրելու համար։ Մեծ է հավանականությունը, որ հոսանքի թանկացման բեռը հենց այդ գումարով է թեթեւացվելու։
Հիմա տեսեք, թե ինչ է ստացվում։ Ճիշտ է, այդ 200 միլիոնը արտոնյալ վարկ է, բայց, այնուամենայնիվ, վարկ է, այսինքն՝ նաեւ «տոկոս ենք վճարելու»։ Ահա եւ ստացվում է, որ ռուսական ընկերությունը Հայաստանի էներգետիկան կործանման եզրին է հասցրել եւ այդ ընթացքում թալանել երկիրը, ու մենք հիմա Ռուսաստանից տոկոսով փող ենք վերցնում, որպեսզի բավարարենք այդ ընկերության ախորժակը։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
