Ռուսական «Ինտեր ՌԱՈ» ընկերությունը չի հաստատել ԶԼՄ-ների տարածած տեղեկատվությունն այն մասին, որ ընկերությունը պատրաստում է վաճառել Հայաստանում տեղակայված իր «Հայաստանի էլեկտրական ցանցեր» դուստր ընկերությունը: Այս մասին հաղորդում է «TASS» գործակալությունը:
Հիշեցնենք, որ այսօր ռուսական «Коммерсант» պարբերականը, հղում կատարելով իր աղբյուրներին, գրել էր, որ Էլեկտրաէներգիայի սակագնի բարձրացման դեմ վերջին օրերին Հայաստանում անցկացվող բողոքի ակցիաները կարող են ստիպել ռուսական «Ինտեր ՌԱՈ» ընկերությանը վաճառել իր 100% դուստր ընկերությունը՝ «Հայաստանի էլեկտրական ցանցերը» (ՀԷՑ) եւ նրանք արդեն բանակցություններ են վարել հայկական ծագումով ռուս բիզնեսմենների հետ, այդ թվում՝ «Տաշիր» խմբի սեփականատեր Սամվել Կարապետյանի հետ:
«Ինտեր ՌԱՈ»-ի աշխատակիցն ասել է. «Մենք չենք հաստատում կազմակերպության վաճառքի մասին տեղեկատվությունը»:
Պատրաստեց Աշոտ ԻՍՐԱԵԼՅԱՆԸ
