«Մեր վաղվա օրը կորած չէ, քանի որ ունենք այսպիսի երիտասարդություն»,- հունիսի 29-ին «Հայելի» մամուլի ակումբում լրագրողների հետ հանդիպման ընթացքում հայտարարեց գրականագետ Դավիթ Գասպարյանը:
Նրա խոսքերով՝ երիտասարդների արածը արտակարգ մաքուր եւ ազնիվ է, եւ այն պետք չէ քաղաքականացնել. «Կարծում եմ՝ նրանց պետք է լսել, ալան-թալանին վերջ տալ, թողնել նույնը, որովհետեւ մենք սոցիալապես աղքատ հասարակություն ենք: Գնացե՛ք Մեղրի, մարդ չկա, գնացե՛ք Ամասիա, մարդ չկա, այս աղետից մարդիկ փախչում են, մենք պետք է այնպես անենք, որ դեպքով դեպի ժողովուրդը դառնան, մի լավ բան անենք ժողովրդի համար, որ ժողովուրդը վստահի իր ղեկավարին, մտավորականին, ոչ թե երես թեքեն, խռովեն»:
Դավիթ Գասպարյանը համարում է, որ իշխանությունը ստեղծված իրավիճակից դուրս գալու համար: Նա համարում է, որ հունիսի 23-ի լուսաբացին կատարվածի համար պետք չէ մեղադրել շարքային ոստիկաններին. Պետք է մեղադրել հրաման տվողին: Ըստ նրա՝ պետք է չեղարկել էլեկտրաէներգիայի սակագնի բարձրացումը, իսկ երիտասարդները բնականորեն կցրվեն:
Ամի ՉԻՉԱԿՅԱՆ
