Քիչ առաջ Ազատության հրապարակում գտնվող ցուցարարների համար խոսեց «Ոչ թալանին» նախաձեռնության անդամ Արթուր Քոչարյանը, որը բացատրում է, թե ինչ է տեղի ունեցել:
«Մենք երկու տեղում էլ գտնվում ենք, մենք չենք հրաժարվել պայքարից, մենք շարունակելու ենք: Ովքեր ուզում են գնան Բաղրամյան, թող գնան, ովքեր ուզում են գալ այստեղ, թող գան: Շատ ապատեղեկատվություն է տարածվում այստեղից այնտեղ, այնտեղից այստեղ: Թող ոչ ոք չփորձի սեւացնել «Ոչ թալանին» նախաձեռնությանը, ոչ ոք իրավունք չունի նրան դավաճան անվանելու, դա անընդունելի է, եթե նույնիսկ սխալներ են եղել: Կյանքը սրանով չի սահմանափակվում: Հայաստանում դեռ շատ խնդիրներ կան, շատ պայքարի ասպարեզներ կան եւ դեռ կերեւա, թե ով է իրական պայքարողը»,-ասաց նա:
«Այնտեղ արդար մարդիկ էլ շատ կան կանգնած, բայց կան նաեւ մարդիկ, ովքեր հենց հաջորդ օրը մեր ջրվելու, ծեծվելու, եկան հարթակ, ուզեցին վերցնել հարթակը: Հիմա էլ նույնը: Ինձ հետաքրքիր է, թե ովքե՞ր են էն մարդիկ, ովքեր մեր հետեւից գոռում են դավաճան: Սերժ Սարգսյանի կողմից եղավ մի փոքր զիջում, բայց վստահություն չկա, դրա համար մենք մեր պայքարը չենք դադարացնում: Թող ոչ ոք չմտածի, որ Բաղրամյանում մնացածները ավելի ռադիկալ են»,- ասաց «Ոչ թալանին» նախաձեռնության անդամը:
