Ակտիվիստները թույլ չէին տալիս ԱԺ պատգամավոր Էդմոն Մարուքյանին Բաղրամյան պողոտայի բուֆերային գոտի, որտեղ անվտանգության պատն է: Այս մասին Aravot.am-ի հետ զրույցում ասաց պատգամավորը:
Մեր հարցին, թե ինչու այս պահին կենդանի պատը չկա Բաղրամյան պողոտայում, իմանալով, որ ժամը 18:00-ին նախաձեռնող խմբի հայտարարությունն է լինելու եւ ենթադրվում է, որ լարված վիճակ կլինի, Մարուքյանն ասաց. «Ուրիշի փոխարեն չեմ կարող պատասխանել: Ես գալիս էի, ինձ թույլ չէին տալիս անցնեմ, կես ժամ ժողով արեցին, հետո որոշեցին թույլ տալ: Գուցե մյուսներն էլ են եկել եւ թույլ չեն տվել անցնել»:
Մեր դիտարկմանը, գուցե վստահությո՞ւնն է կորել կենդանի պատի նկատմամբ, Մարուքյանն ասաց. «Այս դեպքում ի՞նչ ասեմ: Ինչո՞ւ ինձ թույլ տվեցին: Կարծես թե ոչ ադեկվատ իրավիճակ է տիրում»:
Նելլի ԲԱԲԱՅԱՆ
Կարդացեք նաև
