Մեզ՝ էմոցիոնալ, քչով բավարարվող, փոքր բաներից ուրախացող հայերիս, հենց սա էր պետք՝ ոգեւորություն, ապագայի նկատմամբ հավատ։ Եվ մենք սարեր կշրջենք։ 4-5 օրվա աննախադեպ իրադարձությունները, որոնք ծավալվում են մայրաքաղաքի կենտրոնում, հենց այդ ոգեւորության աղբյուրը հանդիսացան, մի տեսակ վերածնեցին ու նորոգեցին բոլորիս։ Եվ այդ ոգեւորությունը միայն Բաղրամյան պողոտայում ու ցույցի շրջանակներում չի արտահայտվում։ Դա երեւում է մարդկանց աչքերից, նրանց գրառումներից, օդում թեւածող հուզմունքից ու սիրուց, որը մեզանում շատ էր պակասել։
Անգամ այն մարդիկ, ովքեր չեն այցելում ցուցարարներին եւ կատարվող դեպքերին հետեւում են համակարգիչների միջոցով, անպատմելի հրճվանք են ապրում՝ հպարտություն, որ այսպիսի երիտասարդներ ունենք։ Իրականում հենց ոգեղենությունն է մեր խնդիրների լուծման բանալին, այս անշարժությունը շարժելու միակ մեխանիզմը։
Արմինե ՕՀԱՆՅԱՆ
Կարդացեք նաև
Հրապարակումն ամբողջությամբ՝ «Հրապարակ» թերթի այսօրվա համարում:
