Այն պահին, երբ ոստիկանությունը նոր ուժեր բերեց Սահմանադրական դատարանի մոտ, վառվել էին ջրցան մեքենաների լույսերը ու լարված իրավիճակ էր Բաղրամյան պողոտայում, հոգեւորականները ոստիկանների պատի մոտ աղոթում էին ու «Տեր ողորմյա» երգում, ինչն անչափ հուզիչ էր:
Հոգեւոր դասը այդկերպ փորձեց թոթափել լարվածությունը: Դրանից հետո ցուցարարները խաղաղվեցին, եւ կրկին երգ-երաժշտություն միացրին:
«Եկեք խուճապի չմատնվենք ու ցույց տանք մեր ինքնակազմակերպվածությունը»,-ասաց ցույցի կազմակերպիչներից մեկը: Մյուսներն էլ սկսեցին վանկարկել՝ նըստ-տել: Այսինքն՝ խաղաղ ցույցը շարունակվում է:
Կարդացեք նաև
Ցուցարարներն իրար զգուշացնում են խուճապի չմատնվել եւ ոստիկանններից հետ կանգնել:
Նրանք բացեցին Ֆրանսիայի հրապարակն ու երթևեկությունն այդ հատվածում վերականգնվեց։
Ըստ առցանց հեռարձակման՝ պատրաստեց Գոհար ՀԱԿՈԲՅԱՆԸ
