Բաղրամյան պողոտայում այսօր մի սադրիչ կին մտավ ակտիվիստների մեջ եւ սկսեց դժգոհ հայացքով զննել բոլորին:
Հետո պարող աղջիկների վրա սկսեց բղավել, թե «Չե՞ք ամաչում, սա խայտառակություն է, դուք տան աղջի՞կ եք, թե՞ փողոցում պարող»: Աղջիկները փորձեցին հակադարձել, վրա հասան մյուս ակտիվիստները, խնդրելով հանդարտեցնել կրքերը, քանի որ հասկանալի էր՝ սադրիչ էր:
Նա աղջիկներին նետեց, թե՝ տգեղ է: «Տգեղ է՝ մի՛ նայի»,-պատասխանեցին պարող աղջիկները:
Հետո նա Aravot.am-ի լրագրողին վիրավորեց. «Մի նկարի, հիմար, ոչխար»:
Կարդացեք նաև
Մենք հորդորեցինք տիկնոջը, որ իրեն չափավորի: Հետո նա հարձակվեց եւ փորձեց խլել մեր տեսախցիկը, հարվածել տեսախցիկին: Ակտիվիստները կանգնեցին մեր միջեւ՝ թույլ չտալով կնոջն ընդարձակվել:
Ակտիվիստները մի կերպ, համոզելով, խնդրելով, փշի-փշի անելով՝ սադրիչ կնոջն ուղեկցեցին մինչեւ Բաղրամյան պողոտայի սկզբնամաս ու ճանապարհեցին:
Հռիփսիմե ՋԵԲԵՋՅԱՆ
