Ոստիկանապետ Վլադիմիր Գասպարյանը այսօր առավոտյան ջերմ հանդիպում ունենալով Էջմիածնի ճեմարանի դասախոս Եղիշե ավագ քահանա Սարգսյանի հետ, ասաց. «Քանի որ մեր երիտասարդները փորձ չունեն` ղեկավարվում եւ մոտենում են ժխտողականությամբ, իսկ երբ դու կատեգորիկ ես լինում, ժխտում ես, երկխոսությունը փակում ես, դա ոչ թե խելամտության, այլ ընդհակառակի արդյունք է, պետք է երկխոսել, եթե իսկզբանե ասում ես՝ ոչ՝ խոսելու թեմա չկա:
Մենք փոքրաքանակ ազգ ենք, մեր հզորությունը ոչ թե ուժի եւ զոռբայության մեջ է, այլ իմաստության մեջ է, ով է մեզ դա սովորեցրել»,-ձեռքը եւ հայացքը վերեւ պարզելով ասաց ոստիկանապետը:
Եղիշե ավագ քահանա Սարգսյանը ոստիկանապետին ասաց, որ Աստված տա, որ շատ լավ վերջանա սա, այսպիսի օրեր էլ կլինեն:
Կարդացեք նաև
Վլադիմիր Գասպարյանն էլ պատասխանեց, որ Աստված տա, նորմալ օր է. «Մենք փոքրաթիվ ժողովուրդ ենք, գերտերությունները իրենց շահերն ունեն: Գերտերությունները կարող են իրենց թույլ տալ խաղալ փոքր պետությունների ճակատագրերի հետ, փոքր պետության ժողովուրդը պետք է իմաստուն լինի, մենք իմաստնությունով պետք է գերտերությունների տխմարությունները հաղթահարենք եւ այնպես որ մեր պապերը ոնց էին ասում «Եղունգ ունես՝ գլուխդ քորի», մենք սրա ու նրա խելքին պետք է չընկնենք, հասկանանք որ մենք քիչ են ու մի բուռ ենք, եւ այստեղ տարաձայնությունները ժխտողականությամբ չի լուծվում՝ դա ճանապարհ է ոչ մի տեղ», ասաց Վլադիմիր Գասպարյանը:
Անուշ ՄԱԹԵՎՈՍՅԱՆ
