Եվրոպայի խորհրդի խորհրդարանական վեհաժողովը(ԵԽԽՎ) ամառային նստաշրջանի լիագումար նիստում ընդունեց ԵԽԽՎ-ում Թուրքիայի պատվիրակության անդամ Գյուլսուն Բիլհեղենի «Լրատվամիջոցների սեփականատերերի մասին տեղեկատվության թափանցիկության բարձրացում» զեկույցը եւ բանաձեւը: Փաստաթղթով պահանջվում է անդամ երկրներին վերանայել իրենց երկրներում գործող օրենսդրությունը, որպեսզի ապահովվի ԶԼՄ-ների սեփականատիրոջ, ֆինանսական աղբյուրների վերաբերյալ տեղեկատվության թափանցիկությունը:
Փաստաթղթում ամրագրված է, որ հանրությունը պետք է բավարար տեղեկություն ունենա տվյալ ԶԼՄ-ի սեփականատիրոջ, խմբագրական կազմի, ինչպես նաև ֆինանսավորման աղբյուրի վերաբերյալ:
Համաձայն փաստաթղթի` այս տեղեկատվությունը պետք է ներկայացվի լրատվամիջոցների անկախ ազգային մարմնին:
Պատվիրակները ընդգծեցին, որ լրատվամիջոցի սեփականատիրոջ մասին տեղեկատվության թափանցիկության ապահովումը թույլ կտա, որպեսզի հանրությունն արժևորի և վստահ լինի այն տեղեկատվության, կարծիքների հավաստիության մեջ, որը տարածում է տվյալ լրատվամիջոցը:
Կարդացեք նաև
Վեհաժողովը պահանջել է Նախարարների խորհրդին զարգացնել այս ոլորտում եվրոպական չափանիշները և թափանցիկությունը:
Տաթև ՀԱՐՈՒԹՅՈՒՆՅԱՆ
