Ռուսաստանի Դաշնային խորհուրդն ուշադրությամբ հետեւում է Հայաստանի իրավիճակին, իսկ վերին պալատում չեն բացառում, որ իրադարձությունների հետեւում կարող են կանգնած լինեն արտասահմանյան հասարակական կազմակերպությունները եւ երեւում են «գունավոր հեղափոխության» նախանշաններ: Այս մասին, ըստ «Ria»-ի, «Россия 24»-ի եթերում ասել է ՌԴ Դաշնային խորհրդի միջազգային հարաբերությունների հանձնաժողովի անդամ Կոնստանտին Կոսաչեւը:
«Օրինակ` հենց հիմա մենք բարեկամ Հայաստանի հետ միասին մտահոգվում ենք Երեւանում տեղի ունեցող իրադարձությունների կապակցությամբ: Եվ ես չեմ բացառում, որ վերջում այս իրադարձությունների հետեւում ի հայտ կգան արտասահմանյան հասարակական կազմակերպությունները: Մենք նույնպես շատ ուշադիր հետեւում ենք այս իրավիճակին»,- նշել է Կոսաչեւը:
Կոսաչեւն ավելացրել է, թե իրենք հասկանում են, որ եթե չիրականացվեն կանխարգելիչ միջոցառումներ, այդպիսի իրադարձություններ կարող են լինել նաեւ Ռուսաստանում. «Դա կլինի չափազանց վտանգավոր, դա անցանկալի է եւ, ըստ էության, անօրինական, քանի որ անմիջականորեն խախտում է Ռուսաստանի Դաշնության ինքնիշխանությունը»:
Հավելենք, որ վերջին օրերին Արեւմուտքին մեղադրող նմանատիպ հայտարարություններ արել են նաեւ այլ ռուս քաղաքական գործիչներ եւ վերլուծաբաններ:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
