Բաղրամյան պողոտայում արդեն մի քանի օր ընթացող «Ոչ թալանին» շարժման մասնակիցների մեջ են նաեւ մարզիկները: Երեկ երեկոյան Aravot.am-ը զրուցեց նրանցից երկուսի հետ:
Դավիթ Ֆահրադյան, մարմնամարզիկ, Գինեսի գրքի եռակի ռեկորդակիր: «Շարժումը հասարակական է եւ քանի որ այն հիմնականում երիտասարդական է, ես էլ ընկերներիս հետ առաջին օրվանից մասնակցում եմ: Կոչ կանեի, որպեսզի մեծահասակ մեր հայրենակիցները նույնպես միանան եւ իրենց ձայնը բարձրացնեն, սատար լինեն մեր խնդիրներին, քանի որ այս խնդիրները բոլորին են վերաբերում»:
Վլադիմիր Սիմոնյան: Մարտեր առանց կանոնների Հայաստանի չեմպիոն, միջազգային մրցաշարերի հաղթող: «Մենք մեր բոլոր ընկերներով մի մարդու պես ժողովրդի կողքին ենք: Ու հիմա էլ այստեղ ենք ու պատրաստ կանխել ամեն տեսակի սադրանք»: Վլադիմիրը հոկտեմբեր ամսին կարեւոր մրցում ունի, որին նախապատրաստվում է, սակայն նրա խոսքերով՝ հանրահավաքին մասնակցելու նպատակով մարզումների գրաֆիկում փոփոխություններ մտցնելը իրեն չի խանգարում:
Կարդացեք նաև
Աշոտ ՀԱԿՈԲՅԱՆ
