Էլեկտրաէներգիայի սակագինն իջեցնելու տնտեսական հնարավորություն կա, սակայն պետք է լինի քաղաքական որոշում։ Այս կարծիքն արտահայտեց ՀԱԿ անդամ, տնտեսագետ Վահագն Խաչատրյանը։ Նա Բաղրամյան փողոցում հայտնվում է ուշ երեկոյան եւ կարծիք ունի, որ նրանք, ովքեր հավաքված են նախագահականի դիմաց, բոլորը վճարունակ քաղաքացիներ են։ «Անվճարունակները Բաղրամյանում չեն գիշերում։ Մենք բոլորս եւ այս ակտիվ երիտասարդները վիրավորված ենք, որ օրը ցերեկով մեր գրպանն են մտնում։ Ահա ինչու այս հավաքը զուտ 7 դրամի համար չէ»։
– Հանրային ծառայությունները կարգավորող հանձնաժողովի նախագահը քիչ առաջ հայտարարեց, որ չի տեսնում սակագինը գոնե մեկ լումայով իջեցնելու հնարավորություն։ Ինչպե՞ս եք գնահատում այս հայտարարությունը։
– «Հայաստանի էլեկտրական ցանցեր» ընկերությունը վաղուց դուրս է եկել նորմալ տնտեսվարող համարվելու չափանիշներից եւ ՀՀ-ում գործող իրավական նորմերից։ Սա մի կազմակերպություն է, որն ավելի շատ պարտք ունի, քան իր ակտիվներն են, որը վերջին տարիների ընթացքում միայն «յոլա գնալու» քաղաքականություն է վարել, եւ պատճառն այն չէ, որ սակագինը ցածր է եղել, այլ այն, որ նրանք ուղղակի չեն կարողացել նորմալ կառավարում իրականացնել, եւ ես չգիտեմ, թե ինչով է հիմնավորված Հանրային ծառայությունները կարգավորող հանձնաժողովի այդ հայտարարությունը:
Սյուզան ՍԻՄՈՆՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
