Այսօր «Փաստարկ» ակումբում տեղեկատվական անվտանգության փորձագետ Սամվել Մարտիրոսյանը անդրադարձավ «Ոչ թալանին» նախաձեռնության բողոքի ակցիային:
Ըստ նրա, այդ իրադարձությունների հետ կապված ընկնելու է ՀՀ-ի վարկանիշը, որովհետեւ այն լուսանկարները, թե ինչպես են բռնություն գործադրում լրագրողի նկատմամբ, մարդու թեւերը ոլորած տանում, ազդելու է մարդու իրավունքների, մամուլի ազատության ցուցանիշների վրա:
Սամվել Մարտիրոսյանը լրագրողների նկատմամբ ոստիկանության գործողությունների հետ կապված հեգնեց, որ «Նրանք երեւի մինչեւ հիմա օգտվում են այն մատով պտտվող հեռախոսներից եւ լավ չեն պատկերացնում, որ հեռախոսները մեծ էվոլյուցիա են ապրել»: Նա տեղեկացրեց ոստիկաններին, որ մարդիկ այս դարում հեռախոսներ ունեն եւ կարող են ցանկացած անկյունից նկարահանել կատարվածը: Այնպես չի, որ եթե լրագրողների գործիքները վերցնում են՝ պատկերը չի երեւալու: Իրադարձությունները տարբեր անկյուններից նկարվել են, որովհետեւ ցանկացած մարդ, ով իր գրպանում ունի հեռախոս, փաստացի լրագրողի ֆունկցիա կարող է անել:
Բացի այդ, նրա խոսքերով՝ «Չիպ հեռացնելն աբսուրդ է, հեռախոսով երբ նկարում ես, դա արդեն upload արած է եւ պահպանվում է, ինչքան ուզում ես չիպը հանիր: Տխուր է, որ ոստիկանությունում նույնիսկ դա չգիտեն, իրենք նաեւ այդտեղ են թերանում: Հուսանք, որ այդ ամեն ինչը դաս եղավ բոլորի համար»:
Կարդացեք նաև
Հռիփսիմե ՋԵԲԵՋՅԱՆ
