Քաղաքացիական ակտիվիստ Եղիա Ներսիսյանը հավատում է՝ էլեկտրաէներգիայի սակագնի բարձրացման պայքարում իշխանությունները նահանջելու են:
«Միանշանակ հավատում եմ՝ հաղթելու ենք: Տեղի կտան, որովհետեւ ինչքան կարող է մարդ իր սեփական ժողովրդին ծեծել, քանի անգամ: Երեկ ծեծեցին, նախորդ օրը ծեծեցին, ինչքա՞ն: Մենք միշտ կանգնած ենք ու պատրաստ ենք ծեծվելու»,- Aravot.am-ին ասաց ակտիվիստը:
Մեր հարցին՝ ինչո՞ւ ոստիկանության գործելաոճը փոխվեց ու նախօրեի բռնություններն այս գիշեր չկրկնվեցին, ակտիվիստը շարունակեց. «Վախեցնելու համար: Դա իրենց ձեռագիրն է: Հայաստանում երբեւէ նման վայրագ ձեւով ջրցան մեքենաներ օգտագործե՞լ են, չէ՞, տասնչորս տարեկան աղջիկներին դուբինկաներով խփում էին, բայց ժողովուրդը չվախեցավ, ապացուցեց՝ կանգնած ենք ու մեր պահանջի տերն ենք»:
Կարդացեք նաև
Նրան ծիծաղեցրել են մայդանի ու էլեկտրաէներգիայի սակագնի պայքարի համեմատությունները, ասաց. «Մայդանի ժողովուրդը զինված էր, մենք պեչենիով ու ջրով ապրող ժողովուրդ ենք, ոչ քար ունենք, ոչ ատվյորտկա ունենք: Երեկ մեզ ծեծում էին, քֆուր էին տալիս, մենք ի պատասխան նույնիսկ քֆուր չէին տալիս»:
Արփինե ՍԻՄՈՆՅԱՆ
