Օրերս, երբ թերթում էի նախագահ Սերժ Սարգսյանի բարի ցանկությունների մասին հեքիաթային ելույթները, նման տող աչքովս ընկավ, կառավարության ծրագրի շրջանակներում 2017թ.-ին Հայաստանում նվազագույն աշխատավարձի չափը պետք է կրկնապատկվի՝ հաշվի առնելով մակրոտնտեսական ցուցանիշները եւ բյուջեի իրականացումները։ «2017թ. մենք հասնելու ենք 90 հազար նվազագույն աշխատավարձի»,- հայտարարեց Սերժ Սարգսյանը 2013թ. օգոստոսի 28-ին կրթության եւ գիտության նախարարության ղեկավար կազմի հետ հանդիպման ժամանակ։
Նախագահը, մեղմ ասած, չափազանցրել է։
2013 թվականին ՀՀ նվազագույն աշխատավարձը կազմել է 45 հազար, 2014-ին՝ 50 հազար դրամ, 2015-ին 55 հազար է լինելու, եթե, իհարկե, չփոշմանեն։
Մինչեւ 2017 թվականը մնում է երկու տարի։ Ընդամենը 5 հազար դրամով բարձրացող աշխատավարձը, ամենամյա բարձրացման խոստումներին եթե հավատանք, մինչ նախագահի նշած ժամկետը եւս երկու անգամ կարող է բարձրանալ՝ 2016 եւ 17 թվականներին, եւ մեր կառավարությունը, որն ընդամենը 5 հազար դրամով է բարձրացնում, վստահաբար, չի կարող երկու տարում 35 հազար դրամով աշխատավարձ բարձրացնել։
Կարդացեք նաև
Ուրեմն ի՞նչ է նշանակում. Սերժ Սարգսյանն անտեղյակ հայտարարություն է արել։
Սեւակ ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
