«Ոստիկանությունը հայտարարություն արել է եւ իրավապահ մարմինների իրավաչափության մասով իր կարծիքն ասել է»,- այսօր խորհրդարանում լրագրողների հետ զրույցում ասաց ԱԺ փոխնախագահ Էդուարդ Շարմազանովն`անդրադառնալով լուսադեմին, Բաղրամյան փողոցում տեղի ունեցած իրադարձություններին:
Հիշեցնենք, որ «Ոչ թալանին» նախաձեռնության անդամների նստացույցը, որն ուղղված էր էլեկտրաէներգիայի սակագնի թանկացման դեմ, լուսադեմին ոստիկանությունը ցրել է`ջրցան մեքենաներով եւ բիրտ ուժ կիրառելով:
Անդրադառնալով բռնությունների ենթարկված լրագրողներին, ԱԺ փոխնախագահն ասաց. «Երեկ պարբերաբար մենք տեսնում էինք, որ թե ոստիկանները, թե ցուցարարները լրագրողներին հորդորում էին չմիջամտել: Ոստիկանների համար շատ դժվար է, երբ լրագրողը կես ժամ իրականացնում է իր վրա դրված պարտականությունները, հետո դառնում է ցուցարար, հետո նորից լրագրող: Միգուցե դա է այդ անցանկալի վիճակի պատճառը»:
Aravot.am-ի դիտարկմանը`մեղադրո՞ւմ եք լրագրողներին, Էդուարդ Շարմազանովն ասաց, որ ինքը փաստն է արձանագրում:
Կարդացեք նաև
Այլ մանրամասները`տեսանյութում
Նելլի ԳՐԻԳՈՐՅԱՆ
