Aravot.am-ին հաջողվեց իմանալ, որ այսօր վաղ առավոտյան Արաբկիրի ոստիկանության բաժին բերման ենթարկված բոլոր ակտիվիստներին տարել են Ավան՝ պարզելու՝ արդյոք ալկոհոլի ազդեցության տակ են եղել երիտասարդները նստացույցի ժամանակ:
Այս տեղեկությունը հայտնել է այս պահին Ավանում գտնվող ակտիվիստ Անի Նավասարդյանը: Ծնողները զարմացած են, թե ինչպես են ոստիկանությունից դուրս բերվել իրենց զավակները, որ չեն հասցրել տեսնել:
Ի դեպ, քիչ առաջ ոստիկանության բաժնից դուրս եկավ շտապ օգնության մեքենան՝ առանց բժիշկների: Շտապ օգնության մեքենայի վարորդը մեզ հետ զրույցում ասաց, որ բժիշկները մնացել են ոստիկանության բաժին, բայց նա ասաց՝ տեղեկություններ չունի, ում համար է կանչը եղել:
Արփինե ՍԻՄՈՆՅԱՆ
