Խորհրդարանում Հյուսիս-Հարավ ավտոճանապարհի շինարարության համար վարկային ծրագրի քննարկման ժամանակ շարունակվում է ՀԱԿ խմբակցության քարտուղար Արամ Մանուկյանի եւ ԱԺ փոխխոսնակ Էդուարդ Շարմազանովի բանավեճը:
Հիշեցնենք, որ Շարմազանովը, պատասխանելով Արամ Մանուկյանի քննադատություններին, ասաց, որ եթե այդքան ազդեցիկ էր ՀՀՇ-ի իշխանությունը, թող
Արամ Մանուկյանին վիրավորել էր այն, որ Շարմազանովն ասել էր, թե ԱԺ ամբիոնի մոտ ելույթ է ունենում, ասես ուրիշ երկրի ներկայացուցիչ լինի, ոչ թե ՀՀ-ի: Արամ Մանուկյանը վստահեցրեց, որ իր ելույթները միշտ կառուցում է այնպես, ասես իշխանություն է, երբեք ընդդիմադիրների դիրքերից չի խոսում, որովհետեւ իրեն լուրջ մարդ է համարում՝ պատասխանատու՝ իր արածների համար. «Այն, ինչ ես ասում եմ ՀՀ-ի մեկուսացման հետ կապված, դա իրականություն է: Ես հո չեմ ուզում այդպես լինի, բայց եթե դուք ուժեղ լինեիք, միջազգային պրոյեկտներում ընդգրկված լինեիք, ընդդիմությունը թույլ կլիներ, իմ ասածը բանի տեղ չէր անցնի: Բայց ես ասում եմ այն, ինչ կա՝ տրանսպորտային, օդային, նավթային, գազային, բոլոր պրոյեկտներից մենք դուրս ենք, սա փա՞ստ է, թե՞ չէ: Ես մեղավոր չեմ փնտրում, որ պատժեմ, այս վիճակից դուրս գալն է: Լավ եղեք, բոլոր ասածներս տեղը դրեք՝ ոչ մի խնդիր չի լինի: Վերջին հաշվով այս մանկական մոտեցումն այս դահլիճից պիտի դուրս գա՞, թե՞ չէ՝ ուրիշին մեղավոր գտնելն ու մեղադրելը, որ վա՜յ, թուրքն է: Բիբինն էր մեղավոր ամեն ինչի համար: Հոսանքը թանկացնելու մեջ մեր իշխանությունը չկար, տեսաք Բիբինն ինչքան վատ բան է արել, թուրքը, վաա՜յ»:
Շարմազանովն ասել էր՝ «Մենք չենք պատրաստվում ԼՂՀ հարցի միակողմանի լուծումների ճանապարհով ախպերանանք Թուրքիայի կամ Ադրբեջանի հետ»:
Կարդացեք նաև
Արամ Մանուկյանի խոսքերով՝ «Ի՞նչ ախպերանալու մասին է խոսքը: Իրականություն կա՝ զարգացման տեմպեր, զարգացման ծրագրեր, դուք կա՞ք: Ադրբեջանն ամենավատ, ոչ դեմոկրատական երկիրն է, ես լրիվ համաձայն եմ, բայց աշխարհի հետ, նայեք, լեզու է գտնում, եվրոպական խաղեր է անում՝ ոչ դեմոկրատական երկրում: Գնացեք տենց պրոյեկտներ բերեք: Մի երկրից որ փախչում են, մի երկիր, որ անընդհատ պարտքերի, կոռուպցիայի տակ ճկռում է, խեղճանում է, ո՞րն է մեր մրցունակությունը, ո՞րն են այն արգումենտները, որով դուրս ենք գալու միջազգային հանրություն: Միջազգային հանրությունում ո՞վ է մեզ պաշտպանում այս պահին: Ախր չի՛ կարելի, տղայական է մոտեցումը մենակ մեղավոր գտնել դրսում»:
Ինչ վերաբերում է շրջափակումը թույլ չտալուն՝ Արամ Մանուկյանն ասաց. «Ասում եք՝ 93 թվին…բա դա մեր պարծանքն է, որ Թուրքիայի նման երկիրը Ղարաբաղի ազատագրման հարցով իր արձագանքն արեց, մինչեւ հիմա պահում է: Լուծում էիք ասում, բա 97 թվինը լուծում չէ՞ր. Բա իշխանափոխությունն ինչի՞ տեղի ունեցավ: Այն ժամանակ ՀՀ-ն ավելի ուժեղ էր, քան հիմա է, ժամանակը մեր օգտին չի աշխատում: Ես տենց բան ասե՞լ եմ, որ անարժանապատիվ լուծում տաք, միակողմանի լուծում….ընկերանաք: Ես տենց բան ասե՞լ եմ երբեւէ»:
Էդուարդ Շարմազանովը Արամ Մանուկյանի ելույթից հետո արձագանքեց. «Իմ ասածն ի՞նչ է՝ ասում եմ՝ 93-ից մինչեւ 98-ը ժամանակ եք ունեցել, ընդգրկեիք Հայաստանը տարածաշրջանային ծրագրերի մեջ: Ստեղ են ասել՝ ճաղատը դեղ ունենար, իր գլխին կքսեր: Եվ հետո, 97-ի ձեր առաջարկած լուծումը հանրությանը չի գոհացրել»:
Հռիփսիմե ՋԵԲԵՋՅԱՆ
