«Մենք պետք է վերջնական տեսքի բերենք պայմանագրային հարաբերությունները ԵՄ-ի եւ Հարավային Կովկասի երկրների միջեւ»,- հունիսի 20-ին 89-րդ «Ռոուզ-Ռոթ» սեմինարի ընթացքում ասաց Լինքսի տնօրեն Դենիս Սամութը:
Նա հիշեցրեց, որ Վրաստանը ստորագրել է Ասոցացման պայմանագիրը, ըստ նրա՝ դա դրական ազդեցություն է ունենալու Վրաստանի համար: Նա նշեց, որ օրերս հանդիպում է եղել վրացի գործարարների հետ, Սամութը տպավորված է, որ նրանք հասկանում էին, որ ցավոտ քայլեր են կատարելու, որոնք բերելու են դրական արդյունքների:
Դենիս Սամութը նկատեց, որ շատերը մեղադրում են հասարակական կազմակերպություններին օտար երկիրներին վաճառված լինելու մեջ: Նա համարում է, որ Հարավային Կովկասի երկրներում անհրաժեշտ է քաղաքացիական հասարակության հետ համագործակցելու նոր ճանապարհներ գտնել. «Եղանակները շատ են մենք պետք է գտնենք ճիշտ եղանակը»:
Նա ընդգծեց, որ իրավիճակը Հայաստանում բարելավել է, իսկ Ադրբեջանում՝ ոչ: Դենիս Սամութը հույս հայտնեց, որ Ադրբեջանում նոյեմբերին կայանալիք խորհրդարանական ընտրություններից հետո փոփոխություններ լինեն. «Վրաստանում այս գործընթացը սկսել է փոփոխվել, Ադրբեջանում քաղաքացիական հասարակությունը այս պահին իրեն դիտարկում է սահմանափակման տիրույթում, այսինքն՝ արտացոլիչ մոտեցում չի կարող ընդունել իր գաղափարախոսությունը դեպի հասարակություն տարածելու համար: Անհրաժեշտ է հարգանք ցուցաբերել ազատությունների, մեդիայի եւ հասարակական կազմակերպությունների նկատմամբ»:
Կարդացեք նաև
Դենիս Սամութը հավելեց, որ կան այլ փոքրամասնություններ, որոնք հասարակությունում պետք է իրենց սահմանափակված չզգան, այլ հակառակը՝ պետք է իրենց ներառական հասարակության մաս զգան. «Ես դեռ լավատես եմ, քանզի կարող եմ մեկ միտում տեսնել՝ երիտասարդությունը: Նոր որակի երիտասարդ սերունդ ունենք, որը չի կարող ընդունել ոչ անցյալը, ոչ էլ ներկա եւ պահանջում է լավ որակ»:
Ամի ՉԻՉԱԿՅԱՆ
