Ռուսաստանի Պետական դուման երեկ հաստատել է Հայաստանի ու Ռուսաստանի կառավարությունների միջեւ կնքված համաձայնագրի արձանագրությունը, որով մինչեւ 2016 թվականը երկարաձգվում է բնական գազի, նավթի եւ ադամանդների անմաքս մատակարարումը Հայաստան:
Միջկառավարական համաձայնագիրը ստորագրվել է 2013 թվականի դեկտեմբերի 2-ին եւ նախատեսում է ներքին օգտագործման նպատակներով նավթամթերքի, գազի եւ ադամանդների անմաքս մատակարարում Ռուսաստանից Հայաստան: Պայմանագրի արձանագրությունը ստորագրվել է 2014 թվականի դեկտեմբերի 26-ին:
Արձանագրության համաձայն՝ նավթից պատրաստված ապրանքները, բնական գազը եւ բնական, չմշակված ադամանդները մինչեւ 2015 թվականի դեկտեմբերի 31-ն ազատվում են մաքսերից:
Պատրաստեց Աշոտ ԻՍՐԱԵԼՅԱՆԸ
Կարդացեք նաև
