Չնայած փողոցային առեւտուրն արգելված է, բայց շատ քաղաքացիների ավելի հարմար է գետնանցումներից ու իրենց բնակությանը մոտ փողոցներից գյուղմթերքներ գնել, քան գնալ շուկա: Ասում են՝ «Անցնում ենք տեսնում ենք՝ լավ գին են ասում, առնում ենք, էլ շուկա գնալու հավես էլ չկա»:
Իսկ փողոցներում գյուղմթերքներ վաճառողներն էլ մեզ հետ զրույցում ասացին, որ գիշերը շուկայից փորձում են էժան առեւտուր անել, ցերեկն էլ փողոցներում վաճառել, ու այդպես, իրենց խոսքերով ասած՝ «Մի-երկու կոպեկ աշխատել: Ուրիշ հնար չունենք, բա ի՞նչ անենք, սովից կոտորվե՞նք: Դու գիտես միլիոննե՞ր ենք աշխատում, օրը հազիվ 1000-2000 դրամի օգուտ ենք ունենում: Կամ պիտի մուրացկանություն անենք փողոցներում, կամ էլ սենց մի բան՝ առնենք-ծախենք»:
Լուսանկարը՝ ՆԵԼԼԻ ԲԱԲԱՅԱՆԻ
«Առավոտ» օրաթերթ
19.06.2015
