Ծխող մարդիկ, որոնք չեն կարողանում թողնել այդ վատ սովորությունը, ժողովրդական բժշկությունն առաջարկում է դեղամիջոցներ, նույնիսկ նրանց համար, որոնք կամքից թույլ են եւ ինքնուրույն չեն հրաժարվում ծխելուց:
Երբ հրաժարվեք ծխելուց, առաջին օրը պետք է նախ ձեզ համար դարձնեք հաճելի: Ծխելու ցանկությունը փոխարինեք մաստակ ծամելով, ջուր ու հյութ խմելով, միրգ-բանջարեղեն ուտելով, ֆիզիկական վարժություններ անելով եւ այլն:
Ժողովրդական բժշկությունն առաջարկում է շատ արդյունավետ բաղադրատոմս` 2 ճաշի գդալ մանրացրած վարսակը լցնել 1 բաժակ եռացող ջրի մեջ եւ դանդաղ կրակի վրա եփել 5 րոպե: Այնուհետեւ թողնել 1 ժամ, քամել եւ օրը 3 անգամ 1/3 բաժակ խմել` ուտելուց առաջ: Բուժման կուրսը 1 ամիս է:
Ծխելու ցանկությունը դադարում է, երբ 1 ամիս առավոտյան եւ երեկոյան 1 թեյի գդալ ձկան յուղ ուտեք հացով:
Կարդացեք նաև
Ովքեր դադարեցնում են ծխելը, պետք է իմանան, որ դժվարն առաջին 3 օրերն են: Չի խրախուսվում այդ ժամանակ օգտագործել ապխտած, աղ դրած մսամթերք, ալկոհոլային խմիչքներ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
19.06.2015
