Ազգային անվտանգության ծառայության քննչական բաժնում ՀՀ քրեական օրենսգրքի 325 հոդվածի հատկանիշներով հարուցվել է քրեական գործ Գյումրու Էնրիկո Մատտեի անվան պոլիկլինիկայի (Գյումրիում առավել հայտնի է որպես իտալական պոլիկլինիկա) գործադիր տնօրեն Գագիկ Ադամյանի կողմից փաստաթղթեր կեղծելու դեպքի առթիվ: ԱԱԾ-ն այն ուղարկել է Շիրակի մարզի քննչական բաժին, կատարվում է նախաքննություն:
Նշենք, որ Գագիկ Ադամյանը Գյումրու ավագանու անդամ է, Գալուստ Սահակյանի որդու մտերիմը: Նա այս պաշտոնը զբաղեցրեց այն բանից հետո, երբ պոլիկլինիկայի գործադիր տնօրեն, անոթաբան Տաթևիկ Փանոսյանին դատապարտեցին ազատազրկման պաշտոնեական դիրքը չարաշահելու, խոշոր չափի հափշտակություններ կատարելու, «լեւի» հաստիքներ պահելու, պետական հարկերից ու պարտադիր վճարներից չարամտորեն խուսափելու ու խոշոր չափի կաշառք վերցնելու մեղադրանքով:
ՀՀ քրեական օրենսգրքի Հոդված 325-ը, որ կոչվում է « Փաստաթղթեր, դրոշմներ, կնիքներ, ձեւաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը » նախատեսում է.
Կարդացեք նաև
- Իրավունք վերապահող կամ պատասխանատվությունից ազատող վկայական կամ պաշտոնական այլ փաստաթուղթ կեղծելը՝ կեղծողի կողմից անձամբ կամ այլ անձի կողմից դրանք օգտագործելու կամ իրացնելու նպատակով կամ այդպիսի փաստաթուղթ իրացնելը կամ նույն նպատակներով կեղծ կնիքներ, դրոշմներ, ձեւաթղթեր, տրանսպորտային միջոցների պետհամարանիշներ պատրաստելը կամ իրացնելը, ինչպես նաեւ ակնհայտ կեղծ փաստաթուղթ օգտագործելը՝
պատժվում է տուգանքով՝ նվազագույն աշխատավարձի երկուհարյուրապատիկից չորսհարյուրապատիկի չափով, կամ ուղղիչ աշխատանքներով՝ առավելագույնը մեկ տարի ժամկետով, կամ ազատազրկմամբ՝ առավելագույնը երկու տարի ժամկետով:
- Սույն հոդվածի առաջին մասով նախատեսված արարքները, որոնք կատարվել են մի խումբ անձանց կողմից նախնական համաձայնությամբ՝ պատժվում են ուղղիչ աշխատանքներով՝ առավելագույնը երկու տարի ժամկետով, կամ ազատազրկմամբ՝ առավելագույնը չորս տարի ժամկետով:
Նունե ԱՐԵՎՇԱՏՅԱՆ
Վայ թնդիր Գագո, դու ուր, բժշկական ոլորտը ուր, ըշտը քեզի պեսները որ առաջ են գալիս, մեր հալն էլ էս է լինում էլի, մոռացել ես, ոնց էինք քեզ խորոված սարքել պատվիրումու վազցնում հացի ետևից, դու էլ կսեիր, հա ապ ջան հմի, էդ թնդրից քեզի թխին սարքին տնօրեն, վայ երկիր