Էդվարդ Նալբանդյանի խոսքերով՝ հնարավոր չէ հակամարտություններն ընդամենը մեկ բանաձեւով լուծել
«Հայաստանին եւ Ուկրաինային կապում է ոչ միայն բազմադարյան պատմությունը այլ նաեւ հայ համայնք»,- հունիսի 18-ին 89-րդ «Ռոուզ-Ռոթ» սեմինարի ընթացքում, անդրադառնալով ուկրաինական ճգնաժամին, հայտարարեց Հայաստանի արտաքին գործերի նախարար Էդվարդ Նալբանդյանը:
Նա հույս հայտնեց, որ ձեռք բերված պայմանավորվածությունները ճանապարհ կհայտնեն ուկրաինական ճգնաժամի հարթման համար: Նա նշեց, որ յուրաքանչյուր հակամարտություն ունի իր առանձնահատկությունները եւ հնարավոր չէ ընդամենը մեկ բանաձեւով լուծել դրանք. «Պետք է զերծ մնալ այնպիսի քայլերից, որոնք կարող են վնասել բանակցություններին»:
Էդվարդ Նալբանդյանն ասաց, որ Հայաստանը կողմ է հակամարտությունների կարգավորման հարցում ԵԱՀԿ Հելսինկյան եզրափակիչ բոլոր երեք սկզբունքների պահպանմանը: Իսկ Ղրիմի հարցով տարածքային ամբողջականության սկզբունքն ընդհանրացվում էր որպես գերակայող` մնացած սկզբունքների նկատմամբ, եւ դա է պատճառը, որ Հայաստանը դեմ է քվեարկել ՄԱԿ-ի Անվտանգության խորհրդի նիստում. «Հայաստանը որեւէ միջազգային կառույցում չի աջակցել որեւէ բանաձեւի, որը միայն մեկ սկզբունքի վրա է հիմնված: Չի լինում, որ բոլոր սկզբունքները հավասար լինեն, բայց մեկ սկզբունքն ավելի գերակայող լինի: Խնդիրը ոչ թե բուն փաստն է, որ Ղրիմը միացել է Ռուսաստանին, այլ որ այդ բանաձեւում շեշտվում է հակամարտությունների` միայն տարածքային ամբողջականության սկզբունքի վրա կարգավորվելու հանգամանքը»:
Կարդացեք նաև
Ամի ՉԻՉԱԿՅԱՆ
