«Չեմ կարծում, որ Իսլամական պետությունը կարող է Թուրքիայի միջոցով տարածվել»,- հունիսի 18-ին 89-րդ «Ռոուզ-Ռոթ» սեմինարի ընթացքում ասաց Լոնդոնի Քինգզ քոլեջի անվտանգության եւ զարգացման հարցերի գծով դասախոս Դոմիտիլլա Սագրամոսոնը:
Նա նկատեց, որ Իսլամական պետությունը Հյուսիսային Կովկասին ավելի է սպառնում, քան Հարավային Կովկասին. «Չկա հստակ վտանգ, որ Իսլամական պետությունը կարող է վերադառնալ Հարավային Կովկաս: Այժմ վտանգը Հյուսիսային Կովկասում է, թեպետ չի բացառվում է, որ Իսլամական պետության շարքերում կռվող ադրբեջանցիները վերադառնալով իրենց երկիր կարող են ինչ-որ գործողություններ ծավալել, սակայն այս պահին նման վտանգ ես չեմ տեսնում»:
Արեւելագետ Ռուբեն Սաֆրաստյանը հայտարարեց, որ ստորագրում է Դոմիտիլլա Սագրամոսոնի ամեն մի բառի տակ: Ըստ նրա՝ տարածաշրջանում Հայաստանը առավել անվտանգ վիճակում է գտնվում եւ կարող է խուսափել Իսլամական պետությունից. «Սակայն վտանգ կա, եւ դրա առաջին նախապայմանն այն է, որ ադրբեջանցիները եւ Վրաստանի որոշ քաղաքացիներ մասնակցում են Իսլամական պետության այդ գործողություններին եւ վերադառնալով իրենց երկիր կարող են ապակայունացնել իրավիճակը»:
Ամի ՉԻՉԱԿՅԱՆ
