Հունիսի 17–ին Քիշնևում տեղի ունեցան հայ-մոլդովական խորհրդատվություններ՝ արտաքին գործերի գերատեսչությունների ղեկավարների տեղակալնելի մակարդակով: Հայկական կողմից պատվիրակությունը ղեկավարում էր ՀՀ ԱԳ նախարարի տեղակալ Շավարշ Քոչարյանը, մոլդովական կողմից` Մոլդովայի ԱԳ և Եվրոպական ինտեգրման նախարարի տեղակալ Անդրեյ Գալբուրը:
Քննարկվեցին հայ-մոլդովական համագործակցության ներկա վիճակն ու զարգացման հեռանկարները, ինչպես նաև միջազգային կազմակերպությունների շրջանակներում երկու երկրների փոխգործակցությանն առնչվող հարցեր:
Երկկողմ համագործակցության աշխուժացման համատեքստում ընդգծվեց այցելությունների իրականացման փոխադարձ պատրաստակամությունը, ինչպես նաև իրավապայմանագրային դաշտի ընդլայնման կարևորությունը:
Երկուստեք նշվեց, որ տնտեսական հարցերով հայ-մոլդովական միջկառավարական հանձնաժողովի աշխատանքը կարող է խթան հանդիսանալ տնտեսական, գիտատեխնիկական և մշակութային ոլորտներում հարաբերությունների հետագա ակտիվացման, ինչպես նաև գործարար շրջանների միջև կապերի հաստատման համար:
ՀՀ ԱԳՆ
