«Սա հստակ առաջընթացի եւ պատշաճ համագործակցության նշան է»,- 89-րդ «Ռոուզ Ռոթ» սեմինարի ընթացքում ասաց ՆԱՏՕ-ի խորհրդարանական վեհաժողովի փոխնախագահ Պաուլո Ալլին:
Նրա խոսքերով՝ խորհրդարանը միտված է հարատեւ խաղաղություն ապահովել Հարավային Կովկասում. «Հասկանալի է, որ ՆԱՏՕ-ն կարողացել է ընդլայնել իր համագործակցությունը, նամանավանդ՝ Աֆղանստանում: Մենք բարդ մարտահրավերների առջեւ ենք կանգնած անվտանգության տեսանկյունից այնպիսի տարածաշրջանում, ինչպիսին է Հարավային Կովկասը: Այս սեմինարը կատարյալ հարթակ է երկխոսությունների համար: Մյուս կողմից սա չափազանց կարեւոր է, որովհետեւ կառավարությունները եւս կարող են բանակցությունների մասնակցել»:
Պաուլո Ալլին ընդգծեց, որ համաժողովը հնարավորություն է տալիս պարզել հարցեր տնտեսության, բնապահպանության, քաղաքականության մասին. «Սառեցված հակամարտությունները Կովկասում փաստացի կարողացել են ամբողջ տարածաշրջանը պահել այս վիճակում: Պատճառները բխում են ե՛ւ պաշտոնապես, ե՛ւ ոչ պաշտոնապես տեղի չունեցած բանակցություններից: Հակամարտությունը ռազմական մակարդակում չի բխում կողմերից որեւէ մեկի շահերից: ՆԱՏՕ-ն երբեւէ չի խրախուսել հակամարտության ռազմական լուծումը»:
89-րդ «Ռոուզ-Ռոթ» սեմինարին ներկա չէր Ադրբեջանի պատվիրակությունը: Պաուլո Ալլին այդ բացակայությունը ցավալի է համարում. «Մենք կկարողանանք ճանապարհ գտնել դեպի կառուցողական երկխոսությունը: Ես անհամբեր սպասում եմ բաց եւ թափանցիկ քննարկման, որոնց առջեւ Հայաստանը կանգնած է: Այս համաժողովը Հայաստանին դիտարկում է որպես խնդրի հիմնական լուծման կողմ, նամանավանդ՝ ԼՂՀ-ի»:
Կարդացեք նաև
Ամի ՉԻՉԱԿՅԱՆ
Լուսանկարը Tert.am-ի
