Երեւանյան երթուղային տաքսիները հաճախ են զարմացնում իրենց ներքին «ձեւավորմամբ» ու ոչ ստանդարտ «պաստառներով»: Նրանցից մեկում, ի թիվս այլ հայտարարությունների, փակցված էր եւս մեկը՝ հետեւյալ ձեւակերպմամբ. «Ոչ ոքի տեղը նախօրոք չվճարել»:
Արդյոք վարորդը «նախօրոք» ասելով՝ նկատի ուներ մեկ օր առա՞ջ՝ հաշվի առնելով ուղեւորների այն սովորությունը, որ իջնելիս վճարում են իրենց՝ 10-15 կանգառ հետո իջնող ծանոթների փոխարեն, թե՞ պարզապես «նախապես» բառն էր մոռացել: Այս մասին «պատմությունը լռում է»:
Լուսանկարը՝ ԳՈՀԱՐ ՀԱԿՈԲՅԱՆԻ
«Առավոտ» օրաթերթ
17.06.2015
Նաքխապեսը եւ նախորոքը հոմանիշներ են, եւ բոլորովին էլ համարժեք չէ ձեր հոդվածագրի հանճարեղ նախադասությանը: Վարորդի համար պարտադիր չէ Հայերենի քերականության նրբություններին տիրապետելը, բայց լրագրողը պարտավոր է գրել գրագետ, մտքերն արտահայտել Հայերեն եւ իմաստալից նախադասություններ գրել:
Ստորեւ կցում եմ ձեր կայքի նյութերից մեկ նախադասություն:
Այսօր ՀՀԿ ԳՄ նիստից հետո լրագրողների հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովից լրագրողներից հետաքրքրվեցին Բաքվում կայացած Եվրոպական խաղերի մասին, արդյոք նախագահ Ալիեւին հաջողվեց ժողովրդավարական դեմք ցույց տալ, որը հետագայում նշանակություն կունենա Ղարաբաղյան հակամարտության լուծման գործընթացում:
Ամբողջական հոդվածը կարող եք կարդալ այս հասցեով՝ https://www.aravot.am/2015/06/18/583439/
© 1998 – 2015 Առավոտ – Լուրեր Հայաստանից