Կառավարման զարգացման ինստիտուտը (Institute of Management Development) հրապարակել է 2015 թվականի աշխարհի երկրների մրցունակության վարկանիշային հետազոտության արդյունքները (The World Competitiveness Yearbook 2015):
Այս հետազոտությունն իրենից ներկայացնում է տարեկան վարկանիշային զեկույց, որը Կառավարման զարգացման ինստիտուտը նախաձեռնել էր դեռևս 1989թ. սկսած։ 2015թ. մրցունակության վարկանիշային զեկույցում ներառվել են 61 երկրներ, որոնց վարկանիշները կազմվել են՝ հիմնվելով շուրջ 333 չափորոշիչների վրա։ Վերջիններս իրենց հերթին դասակարգված են 4 հիմնական խմբերով. տնտեսության վիճակ, կառավարության արդյունավետություն, գործարար միջավայր, ենթակառուցվածքներ։
Հայաստանը տեղ չի գտել այս ցանկում: ԱՊՀ երկրներից ցուցակում ներառված են միայն Ղազախստանը՝ 34-րդ դիրքով, Ռուսաստանը և Ուկրաինան՝ համապատասխանաբար 45 և 60-րդ դիրքերով։
Աղյուսակը գլխավորում է ԱՄՆ-ն։ Նրան հաջորդում են Հոնկոնգն ու Սինգապուրը։ Լավագույն տասնյակում ներառված են նաև Կանադան, Շվեյցարիան, Լյուքսեմբուրգը, Նորվեգիան, Դանիան, Շվեդիան եւ Գերմանիան:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
