Երեւանի քաղաքապետարանը որոշել է «առավել խիստ մոտեցում ցուցաբերել» եւ պայքարել մայրաքաղաքի մի շարք փողոցներում ակնհայտորեն իրականացվող «ավտոմեքենաների ապօրինի վաճառքի» դեմ, մանավանդ որ դրա համար կան հատուկ տարածքներ։
«ՉԻ» – Ավտոմեքենաների ապօրինի վաճառք ասվածն այն է, որ մեքենաների տերերը գրություններ են փակցնում ավտոմեքենաների ապակիներին եւ նշում ավտոմեքենայի տարեթիվն ու իրենց հեռախոսահամարը։
Այնպես որ՝ չարանենգ վաճառականներն այսուհետ ստիպված կլինեն փոխել իրենց մարտավարությունը եւ մոտավորապես այսպիսի գրություններ փակցնել մեքենաների ապակիներին. «այսինչ թվի արտադրության այս մեքենան ամենեւին չի վաճառվում, ու հանկարծ մտքներովդ չանցնի զանգահարել այսինչ հեռախոսահամարով»։
Մի խոսքով՝ քաղաքապետարանի վճռական պայքարը հազիվ թե պսակվի հաջողությամբ։ Ուրիշ բան, եթե ընդհանրապես արգելվեն ցանկացած տիպի գրությունները, բայց դա էլ արդեն կլինի խոսքի ազատության ոտնահարում։
Կարդացեք նաև
Մնում է միայն մի տարբերակ՝ ոստիկանության հատուկջոկատայինները թող ծակեն այդ մեքենաների ակերը:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
