Մարդու ուղեղը միջինը պարունակում է 60% ճարպ, այդ իսկ պատճառով նորմալ աշխատանքի համար կարեւոր է ճիշտ սնվել եւ ընդունել օգտակար ճարպեր, որոնք պարունակում են ձուկը, ձիթապտղի ձեթը, արեւածաղկի սերմերը, ընկույզը:
Ուղեղը սիրում է նաեւ մարզվել: Ֆիզիկական վարժությունները օգնում են այն միշտ տոնուսի մեջ պահպանել: Հաճախակի ֆիզիկական վարժությունները եւս օգտակար են ուղեղի աշխատանքի համար: Այդ ժամանակ բազմաթիվ մազարմատների միջոցով ուղեղը ստանում է թթվածին եւ գլյուկոզա: Բավարար է օրը 2 անգամ 30 րոպե տրամադրել ֆիզիկական վարժություններին եւ ոչ միայն կպահպանեք ձեր առողջությունը, այլեւ կսնուցեք ուղեղը:
Ինտելեկտուալ վարժությունները նույնպես օգտակար են, քանի որ մեր «կենդանի համակարգիչը» հնարավորություն ունի ցանկացած տարիքում զարգանալ: Որքան շատ ծանրաբեռնենք դժվար խնդիրներով, այնքան ուղեղը «խելացի» կդառնա: Այնպես որ, ուղեղը ծուլության մի մատնեք, մարզեք այն, որը զերծ կպահի հոգեկան խանգարումներից եւ այլ հիվանդություններից:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
16.06.2015
