ՀՀ քննչական կոմիտեի Արագածոտնի մարզային քննչական վարչությունում հարուցվել է քրեական գործ` Աշտարակի «ՋՕԸ»-ի գործադիր տնօրեն Ա.Խաչատրյանի նկատմամբ սպանության փորձ կատարելու դեպքի առթիվ:
2015 թվականի հունիսի 15-ին՝ ժամը 12:45-ի սահմաններում, առերևույթ հանցագործություն կատարած անձը, Աշտարակ քաղաքի Ն.Աշտարակեցու հրապարակում, սպանելու դիտավորությամբ, շատերի կյանքի համար վտանգավոր եղանակով, կրակոցներ է արձակել Աշտարակ քաղաքի բնակիչ Ա.Խաչատրյանին պատկանող «Մերսեդես» մակնիշի ավտոմեքենայի ուղղությամբ, սակայն իր կամքից անկախ հանգամանքներում հանցագործությունն ավարտին չի հասցրել և դիմել է փախուստի:
Դեպքի վայրի զննությամբ ավտոմեքենայի առջևի դռան վերևի անկյունում հայտնաբերվել են հրազենային վնասվածքի նման հետքեր, իսկ ավտոմեքենայի սրահից՝ արճիճանման զանգվածներ։
Արագածոտնի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 2-րդ մասի 6-րդ կետով և 235-րդ հոդվածի 1-ին մասով։
Կարդացեք նաև
Քրեական գործով ձեռնարկվում են անհրաժեշտ քննչական և դատավարական գործողություններ՝ դեպքի բոլոր հանգամանքների բազմակողմանի և օբյեկտիվ հետազոտումն ապահովելու, առերևույթ հանցագործություն կատարած անձի ինքնությունը պարզելու ուղղությամբ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ Քննչական կոմիտե
