Գյումրիում ծնված, Տավուշի մարզի Կողբ գյուղի 47-ամյա բնակիչ Արմեն Ազատյանը (գրական անունը՝ Արմեն Ազատ) 7 ժողովածուների հեղինակ է, որից 3-ը՝« Չներկվող կրակ», «Ստվեր մերժող ծով», «Անծուռ հողարմատ», հրատարակել է այս տարի:
Նա հեղինակ է բանաստեղծությունների, քառյակների, երգիծանքի, պոեմների, երաժշտական ստեղծագործությունների: Արմեն Ազատն ասաց, որ ինքը 26 հազար ասույթների հեղինակ է, եւ այդ տեսակետից աշխարհում իրեն հավասարը չկա: Նա կարծում է, որ այդ առումով կարող է հայտնվել Գինեսի ռեկորդների գրքում:
Գրքեր տպագրելու գործում նրան հովանավորել են գործարար Միքայել Վարդանյանը, Գյումրիի նախկին ոստիկանապետ, այժմ Գյումրիի քաղաքապետարանի աշխատակից Շիրակ Շահնազարյանը, Ա. Ազատի հարազատ եղբայր Հովիկ Դանիելյանը:
Կարդացեք նաև
Ամուսնացած, երկու երեխաների հայր Արմեն Ազատը մեկ տարի առաջ համացանցով ծանոթացել է ԱՊՀ անդամ երկրից երգչուհի 54-ամյա Վերա Բերաշեւիչի (Ա. Ազատը չի ցանկանում, որ այդ կնոջ երկիրը նշվի) հետ, որը դարձել է նրա սերը եւ մուսան: Վերայի լուսանկարը առկա է «Չներկվող կրակի» վերջին էջում:
Արմեն Ազատի ասույթները յուրօրինակ են: Ահավասիկ:
«Քայլի տեւողությունը ոտքի չափի պարտադիր պայման չէ»:
«Փորձերի գումարը ոչ միշտ է հմտությունը դառնում»:
«Շեկությունն իր տիրոջ աչքերն էլ է ծակում հաճախ»:
«ժանգոտվելու վտանգվածը գրեթե միշտ իր խոնավությունը գտնում է»:
Ոսկան ՍԱՐԳՍՅԱՆ
Ականջդ կանչի Լյուբիկ Չիբուխչյան,քո գրած 200գրքերով, ու բազմահազար աֆորիզմներով, քեզ հետ մրցակցող է հայտնվել…