«Կարելի է հասկանալ, իր հոր համար է արել: Բայց մյուս կողմից էլ, ֆուտբոլային տեսանկյունից UEFA-ն մեզ կտուգանի, չի տուգանի, չգիտեմ, դա արդեն այլ տեսանկյունից պետք է նայել: Տարբեր ռակուրսներից պետք է նայենք խնդրին»,- այսօր ԱԺ փոխխոսնակ Էդուարդ Շարմազանովը լրագրողների հետ զրույցում այսպես մեկնաբանեց քաղբանտարկյալ Շանթ Հարությունյանի որդու՝ Շահեն Հարությունյանի բողոքի ակցիան՝ ֆուտբոլային խաղի ժամանակ:
Լրագրողների հարցին՝ երբ աշխարհահռչակ ֆուտբոլիստը եթե ծանոթանում է այդպիսի քաղաքական ակցիային, վերցնում պլակատը՝ պարոն Շարմազանովն ընդհատեց՝ աշխարհահռչակ ֆուտբոլիստն ո՞վ է: Լրագրողները պատասխանեցին՝ Ռոնալդուն, Էդուարդ Շարմազանովը չհամաձայնեց. «Ինձ համար աշխարհահռչակ ֆուտբոլիստը Հենրիխ Մխիթարյանն է»:
Հռիփսիմե ՋԵԲԵՋՅԱՆ
