Գնահատման եւ թեստավորման կենտրոնի (ԳԹԿ) արտաքին համագործակցության բաժնի պետ Արա Իսպիրյանը Aravot.am-ի հետ զրույցում նշեց, որ արդեն բոլոր քննական կենտրոններից ստացվել են կենսաբանություն, աշխարհագրություն, ընդհանուր պատմություն եւ հայոց լեզու եւ գրականություն առարկաների բողոքարկման արդյունքները:
Նրա խոսքով, ըստ այդմ՝ Համաշխարհային պատմություն առարկայից ստացվել է 1 դիմում-բողոք, 4 դիմորդ բողոքարկել է աշխարհագրություն առարկայի քննության արդյունքները, 35 բողոք ստացվել է կենսաբանությունից եւ 46-ը՝ հայոց լեզու եւ գրականություն առարկայից:
Պարոն Իսպիրյանի ասելով, բողոքների 90 %-ը տեխնիկական բնույթի է, հիմնականում հաշվարկի հետ է կապված. «Երեխան ասում է, որ ստուգել է իր գրավորը եւ ստացել է ինչ-որ միավոր, բայց կախված է մեկ այլ միավոր: Բոլոր բողոքները մեզ մոտ մուտքագրվում են: Դրանց արդյունքները կփակցվեն հունիսի 28-ին: Եթե երեխան ճիշտ է, իր միավորը կբարձրանա, եթե երեխան ճիշտ չի հաշվել, բնականաբար՝ ոչ: Հավելեմ, որ բողոքարկումների արդյունքները հունիսի 28-ին կփակցվեն այն քննական կենտրոններում, որտեղ դիմորդները հանձնել են քննությունները»:
Գոհար ՀԱԿՈԲՅԱՆ
