«Շիրակ» Ջրմուղկոյուղի ՓԲԸ-ում համատարած կրճատումներ են սկսվել, մասնավորապես՝ աշխատանքից ազատել են տներն այցելող ու սպառած ջրի քանակը ֆիքսող, գանձումներին հետեւող հսկիչներին: Այս փաստը մարզի՝ գործազրկության ու աղքատության ֆոնին բավական մեծ դժգոհության ալիք է բարձրացրել:
Մեր տեղեկություններով՝ մի քանի ամիս առաջ Շիրակի մարզպետ Ֆելիքս Ցոլակյանին հաջողվել էր որոշ ժամանակով կանխել այս կրճատումները:
Նա կարողացել էր բանակցել «Հայջրմուղկոյուղի» ընկերության գլխավոր տնօրեն եւ պայմանագրի կառավարիչ, ազգությամբ ֆրանսիացի Պատրիկ Լորենի հետ՝ խնդրելով նրան մեղմ մոտենալ Շիրակի մարզին, որովհետեւ այն գործազուրկների մարզ է, ու այդքան ընտանիքների սոված թողնելը մարդկայնորեն ճիշտ չէ, սակայն այժմ նորից կրճատումները շարունակվում են:
