2012թ. թվականին դեկտեմբերի 31-ին «Արաբկիր» բժշկական կենտրոն տեղափոխված ու մահացած երկու տարեկան Լիա Միսակյանի գործով Արաբկիր եւ Քանաքեռ Զեյթուն վարչական շրջանների ընդհանուր իրավասության դատարանն այսօր որոշեց Լիլիթ Վարդանյանին դատապարտել ազատազրկման երկու, իսկ Զարինե Այվազյանին երկու տարի վեց ամսվա ազատազրկման: Բայց համաներմամբ երկու բժիշկներն էլ ազատ արձակվեցին պատժից: Բժիշկները մեղադրվում էին քրեական օրենսգրքի 130 հոդվածի 2-րդ մասով:
Դատական նիստից հետո Լիլիթ Վարդանյանը մեղադրանքներ ուղղեց Լիա Միսակյանի հարազատների հասցեին. «էս ձեւով ծախել իրենց երեխային, ամոթ»:
Նա նաեւ պնդում էր, որ հենց ծնողներն են մեղավոր փոքրիկի մահվան մեջ:
Հիշեցնենք, որ 2 տարեկան Լիան «Արաբկիր» բժշկական կենտրոն էր տեղափոխվել 2012 թվականի դեկտեմբերի 31-ին: Սկզբում, դեղամիջոցներ ընդունելուց հետո, փոքրիկն իրեն ավելի լավ էր զգացել, բայց մեկ օր անց նրա վիճակը վատացել է եւ աղջնակը մահացել էր:
Արփինե ՍԻՄՈՆՅԱՆ
