ՀՀԿ պատգամավոր Վարդան Այվազյանն ու ֆինանսների նախարար Գագիկ Խաչատրյանն օրերս ԱԺ-ում բավականին թեժ վեճի բռնվեցին: Գագիկ Խաչատրյանին վրդովեցրեց այն, որ Այվազյանը սկսեց խորանալ իրենց արտաբյուջետային միջոցների մեջ ու հարցուփորձ անել: «Ինչքան պետք ա՝ խորացեք, վախենալու բան չունենք»,- ձայնը բարձրացրեց Խաչատրյանը:
Այվազյանն էլ, թե՝ ինձ ձեր արտաբյուջեն ի՞նչ՝ ոչ տաք, ոչ սառը: Վեճից հետո Այվազյանը սպասում էր նախարարին դրսում՝ բացատրություններ տալու: «Առավոտը» ավելի ուշ Վարդան Այվազյանից հետաքրքրվեց՝ բարիշեցի՞ք, ինչո՞վ ավարտվեց ձեր վեճը: Նա պատասխանեց. «Ո՞վ, ի՞նչ վեճ: Մենք վիճե՞լ ենք: Ի՞նչ անեմ, իմ գործընկերն է: Ինքը պարզապես ներկայացրեց, որ այդտեղ ավելի լայնածավալ քննարկման խնդիր կա արտաբյուջեների հետ կապված: Բյուջետային համակարգի մասին օրենք կա»:
«Առավոտ» օրաթերթ
12.06.2015
